આ મહિલાએ રામ મંદિર માટે છેલ્લા 28 વર્ષથી ત્યાગ કર્યુ છે અન્ન, જાણો કોણ છે આ મહિલા?

છેલ્લા કેટલાય વર્ષથી લોકો રામ મંદિર બનવાની રાહ જોઇ રહ્યાં હતા. 5 ઓગષ્ટના રોજ અયોધ્યા ખાતે રામ મંદિરનું ભૂમિ પૂજન થયું હતું. જેના કારણે સમગ્ર દેશમાં દિવાળીનો માહોલ જોવા મળ્યો હતો. દેશવાસીઓએ પોતાના ઘરના આંગણામાં દિવા પ્રગટાવીને પોતાની ખુશી વ્યક્ત કરી હતી. પરંતુ આ દેશવાસીઓમાં એક શબરી પણ છે. જી, હાં સાંભળીને નવાઇ લાગશે પણ એક મહિલા છે જેણે છેલ્લા 28 વર્ષથી અન્નનો ત્યાગ કર્યો હતો. કોણ છે આ મહિલા? આવો તેના વિશે જાણીએ…

ભગવાન રામના ભવ્ય મંદિરના નિર્માણ માટે લાખો લોકો સહભાગી બન્યા હતાં. તેમાંથી ઘણા એવા લોકો હતા કે જેમણે મનમાંને મનમાં જ રામ મંદિર નિર્માણનો સંકલ્પ લીધો હતો અને તપસ્યા કરી હતી. તેવો જ સંકપલ્પ જબલપુરમાં રહેકી ઉર્મિલા ચતુર્વેદી નામની એક મહિલાએ કર્યો હતો. છેલ્લા 28 વર્ષથી ઉર્મિલા ચતુર્વેદીએ અન્નનો ત્યાગ કર્યો હતો. આજે આ ઉર્મિલાને રામભક્ત શબરી સાથે સરખાવામાં આવી રહી છે. કળયુગની શબરી ઉર્મિલા ચતુર્વેદીનો સંકલ્પ આજે 28 વર્ષ બાદ પૂર્ણ થયો છે.

જબલપુરમાં રહેનારી 82 વર્ષીય ઉર્મિલા ચતુર્વેદીએ ભગવાન માટે સમર્પણની અનોખી મિસાલ કાયમ કરી છે. જે રીતે ભગવાન શ્રી રામ માટે શબરીએ તપસ્યા કરી હતી. તે જ રીતે ઉર્મિલાએ પણ 28 વર્ષ ભગવાન શ્રી રામના મંદિરના નિર્માણ માટે કઠિન તપસ્યા કરી છે. આજ કારણ છે તે તેને કલયુગની શબરી કહેવામાં આવી રહી છે.

82 વર્ષીય ઉર્મિલા ચતુર્વેદી આજે ભલે પોતાની ઉંમરના તે પડાવે છે જ્યાં તે નબળી દેખાઇ રહી છે પરંતુ તેમનો સંકલ્પ અડગ છે. છેલ્લા 28 વર્ષથી તેમણે ફક્ત એમાટે જ ઉપવાસ કર્યો કારણ કે તે અયોધ્યામાં ભગવાન રામનું ભવ્ય મંદિર બનતા જોવા માંગતી હતી. તેમના સંકલ્પની કથા પણ લાંબી છે.

વર્ષ 1992માં જ્યારે કારસેવકોએ રામ જન્મભૂમિ પર બનેલી બાબરી મસ્જિદને પાડવામાં આવી અને ત્યાં ખૂની સંઘર્ષ થયો હતો ત્યારે તેમણે સંકલ્પ લીધો હતો કે જ્યાં સુધી અયોધ્યામાં રામ મંદિર નિર્માણનું કામ શરુ ન થાય ત્યાં સુધી તે અન્ન ગ્રહણ નહીં કરે.

રાજકીય ઇચ્છાશક્તિ સિવાય ઉર્મિલા ચતુર્વેદીનો સંકલ્પ એટલો પ્રબળ હતો કે 1992 પછી ખોરાક ખાધો નથી. તે ફક્ત ફળ પર જ જીવીત છે. તે છેલ્લા 28 વર્ષથી અયોધ્યામાં રામ મંદિર બનાવવા માટે રાહ જોઈ રહી હતી.

જબલપુરના વિજય નગર વિસ્તારમાં રહેતી ઉર્મિલા ચતુર્વેદી લગભગ 82 વર્ષની છે. વિવાદાસ્પદ બંધારણના ભંગાણ દરમિયાન દેશમાં રમખાણો અને લોકો લોહીલુહાણ થયા હતા. જ્યારે હિન્દુ-મુસ્લિમ ભાઈઓએ એક બીજાનું લોહી વહાવ્યું હતું ત્યારે ઉર્મિલા ચતુર્વેદીને આ બધા દ્રશ્યો જોઈને દુઃખ થયું અને તે દિવસે તેઓએ વ્રત લીધું કે હવે તેઓ અનાજ ત્યારે જ ખાશે. જ્યારે દેશમાં ભાઈચારો સાથે અયોધ્યામાં રામ મંદિર બનાવવામાં આવશે.

ઉર્મિલાએ રામ મંદિરના ભૂમિપૂજન સુધી ન પહોંચી શકવાનો અફસોસ છે, પરંતુ વડા પ્રધાન નરેન્દ્ર મોદી દ્વારા ટીવી પર કરવામાં આવેલ ભૂમિપૂજનનું જીવંત પ્રસારણ જોઇને તેમને લાગ્યું કે જાણે તેઓ પોતે અયોધ્યામાં છે અને મંદિરની રચના માટે તેમની નજર સમક્ષ ભૂમિ પૂજા થઇ રહી છે.

28 વર્ષથી રામ મંદિર બનાવવાનું સપનું જોતી ઉર્મિલાએ હજી પોતાનો ઉપવાસ ખોલ્યો નથી. તેઓની ઇચ્છા છે કે તેઓ અયોધ્યામાં રામ મંદિરના નિર્માણ પછી ત્યાં પહોંચે અને સરયુ નદીમાં સ્નાન કરીને ભગવાન રામની પૂજા કરે અને ત્યાં વહેંચાયેલા પ્રસાદથી તેમનું વ્રત ખોલે.